Выстава-продаж "Baby Boom"
1 красавіка 2023 года на тэрыторыі базы адпачынку "Прывал" (лесапарк Пышкі) пад Гроднам адбылася выстава-продаж шчанюкоў і кацянят розных парод "Baby Boom", унікальны праект для заводчыкаў сабак і катоў, а таксама для тых хто хоча стаць шчаслівым уладальнікам чатырохногага сябра.
Супрацоўнікі прадстаўніцтва Белдзяржстраха па г. Гродна правялі рэкламна-інфармацыйную акцыю на выставе, пагутарылі з наведвальнікамі і ўдзельнікамі, уручылі рэкламна-інфармацыйную прадукцыю. Расказалі аб перавагах добраахвотнага страхавання хатніх жывёл і грамадзянскай адказнасці ўладальнікаў жывёл, а таксама іншых добраахвотных відах страхавання.
Дагавор добраахвотнага страхавання хатніх жывёл забяспечыць страхавой абаронай не толькі пародзістых, але і беспародных сабак і катоў узростам ад 3 месяцаў да 12 гадоў, якія маюць ветэрынарны пашпарт і забяспечаны мікрачыпам.
Ад чаго можна застрахаваць?
• траўмы;
• хваробы;
• напады іншых жывёл;
• дзеянні трэціх асоб;
• страхаванне ветэрынарных выдаткаў.
Дзякуючы дамове добраахвотнага страхавання хатніх жывёл фінансавую нагрузку ў межах страхавой сумы пры надыходзе страхавога выпадку бярэ на сябе страхавая кампанія.
Для заключэння дагавора неабходны:
• радавод (для пародзістых жывёл);
• ветэрынарны пашпарт;
• жывёла павінна быць забяспечана мікрачыпам.
Колькі гэта каштуе?
• страхаванне беспароднай жывёлы - 7,40 BYN у год;
• страхаванне пародзістай жывёлы 5% ад яе кошту.
Ветэрынарнае абслугоўванне пры страхавой суме 1000 BYN - 155 BYN у год.
Таксама можна заключыць дагавор страхавання грамадзянскай адказнасці ўладальнікаў жывёл, які забяспечыць страхавую выплату пацярпелым у выпадку прычынення ім шкоды ў выніку агрэсіўных дзеянняў вашага гадаванца (пры ліміце адказнасці 2 000 BYN, узнос - 20 BYN у год).
Атрымаць дадатковую інфармацыю аб умовах страхавання можна ў прадстаўніцтвах Белдзяржстраха па Гродзенскай вобласці і па тэлефонах: https://grodno.bgs.by/by/sellings/
Аберагаем шчасце!